[size=16]ممكن أتكلم معاكى شوية؟
مش حعطلك كتير صدقينى
بتبصى حواليكى ليه ... أيوة انا بكلمك انتى
فى الحقيقة عاوز أسألك سؤال...انتى ليه اتحجبتى؟؟
مالك مستغربة من سؤالى كده؟؟
فعلا عاوز أعرف و الله انتى محجبة ليه؟؟
طبعاً بيدور فى بالك رد واحد .. الحجاب فرض..مش كده؟
طيب و إيه اللى اتغير فيكى لما اتحجبتى يا ترى؟
طيب منتى لسة بتلبسى بناطيل الجينز بتاعتك و البديهات .. عادى يعنى
كل اللى عملتيه ان بدل البادى التلت كم بقة بكم طويل و غطيتى شعرك بحتة طرحة..!!
طيب مش شايفة انك كده يعنى عاملة حاجة غلط؟
معلوماتك عن الحجاب انه ايه؟.. مجرد طرحة على شعرك؟
هو ينفع تبقى محجبة و تلبسى بنطلون و لا جيبة ضيقة ؟
الحجاب ده ربنا لما أمر بيه كان علشان المرأة المسلمة لا تكون فتنة للرجال
يعنى ببساطة شديدة لا ينظر إليكى رجل و يشتهيكى ..
ليه بقة ؟؟
لان الحجاب مش مجرد طرحة .. ده كمان ملابس واسعة لا تصف و لا تشف
يعنى اللى ينظر ليكى و انتى فى الشارع لا يرى منك ما يثير الشهوات
سامعك بتقولى انا بحب أبقى إستايل و شيك
أقولك سبحان الله.. هو الاستايل و الشيك لازم يبقى لبسها محزق و ضيق؟
انتى ممكن برضه تكونى شيك و كل حاجة لكن ما تكونيش ملفتة و لا لبسك يصف مفاتن الجسد
يعنى ايه تقولى على نفسك محجبة بقة بكل المكياج اللى على وشك ده؟
يعنى ايه تقولى على نفسك محجبة و انتى حاطة بارفان؟
يعنى ايه تقولى على نفسك محجبة و انتى لابسة ضيق و محزق كده؟
طيب بصراحة كده حسألك سؤال...
و انتى فى البيت قبل ما تنزلى مش بتبصى للبسك فى المرايا؟
عاوزة يعنى تقعنينى انك بريئة أوى لدرجة انك مش فى بالك ان ممكن الشباب يبص على هدومك و يشوف اللى يثير الفتنة؟؟
خاليكى صريحة مع نفسك... مفيش حد سازج للدرجة دى.. انتى عارفة كويس أوى أن اللبس الضيق بيخاللى الشباب تبص على البنت و تراقب تفاصيل جسمها
مش حتة الطرحة اللى حاطها على شعرك هى اللى حتمنع الفتنة
لو انتى بتحبى كده.. يبقى ماتقوليش على نفسك محجبة
لو مش بتحبى كده و كلامى ضايقك.. يبقى كونى محجبة بجد .. و ماتخاليش لحد فرصة انه يشوف منك غير الحجاب
الحجاب رمز العفة و الطهارة.. الحجاب الحقيقى حيغير سلوكك للأفضل مش بس طريقة لبسك
ربنا لما يقول حاجة و ييجى اللى يقول عكسها ... نسمع كلام مين؟؟
أسيب الإجابة ليكى
بقلم : أحمد يسرى
[/size]
الأربعاء فبراير 13 2013, 14:56 من طرف 
..