[center[size=18[center]]]***بسم الله الرحمن الرحيم***
بموضوع........
رجل قلبه معلق بالمساجد ...[/size]
قال رسول الله صلى الله عليه وسلم:"
سبعه يظلهم الله يوم لا ظل إلا ظله: إمام عادل، وشاب نشأ في عباده الله ورجل قلبه معلق بالمساجد ورجلان تحابا في الله اجتمعا عليه وتفرقا عليه ورجل دعته امرأة ذات منصب وجمال فقال إني أخاف الله ورجل تصدق بصدقه فأخفاها حتى لا تعلم شماله ما تنفق يمينه ورجل ذكر الله خاليا ففاضت عيناه".الحديث ده قراناه مليون مرة وحفظنا بس ...أنا مش هشرحه..
يعني أي ؟ رجل قلبه معلق في المساجد ؟؟؟
يعني مثلا ليله ونهاره في المسجد ؟؟
مممممم ما اعتقدش انه معناها كده
بس أنا هقول معناها إي...
وكمان يدخل في معنى قلبه معلق بالمساجد
مش شرط المساجد!!!المقصد (الصلاه)
زي مثلا لما تروح مشوار مع صاحبك تقول نروح بعد صلاة ال... احسن من الساعه او نصلي ال.. ونرورح وده معنى تعلق قلبه بالمساجد
****************
لما تكون عايز تتابع حاجه مسلسل ،مباراة،برنامج أييي حاجه وكنت نعسان ..
ينفع تسيب البرنامج ده وتقوم تنام ؟؟؟ وانتا عارف البرنامج ده ما بيتعادش
هتعمل ايييي؟ هتضطر تستنى البرنامج لغاية ما تشوفه وتروح تنام
طيب لو كنت نعساااااان وباقي ساعة ولا اقل على موعد أي صلا ة ...
هسيبك مع المحادثة...
***************************************
بعد ما خلص البرنامج .. وكان بيشوفه وهو يا دوب بيفتح عينة
أنا هقوم أنام.
تنام إي ده باقي نص ساعة عالعصر؟!
لا يا عم أقوم أنام لي كم ساعة كده عشان أفوق لحسن أنا هموووووت
طيب والصلاة؟؟؟ مش هتصلي العصر؟؟
بقولك أي القلم مرفوع عن ثلاث النائم حتى يستيقظ*********************************************************
طبعا المحادثة مليانه اغلاط.
اولا:هو تابع البرنامج لي مش كان نعسان ؟؟!
ثانيا:القلم مرفوع لو راحت عليك نومه مش تنام قبل الصلاة بنص ساعة وتقول مرفوع عني القلم.
ثالثا:مش هتلاقي بركة في نومنك عشان ضعيت الصلاة.
هقولك امتى بيخلص وقت كل صلاه.
الفجر: لما يظهر الشفق الأحمر يعني وقت الفجر قرب يخلص الحق صلي قبل ما يروح الشفق.
[size=24]الظهر: وقت الظهر بيخلص عند بدايه صلاة العصر لكن الاولى والاحوط ان الصلاة تكون في وقتها[color=red]color]
العصر:العصر وقتة بيخلص عند غروب الشمس
المغرب: لما يختفي الشفق الأحمر
العشااااااااااء: بيقولوا العشا ممدودة والسنة تأخر العشا. ماشي أنا معاك بس كل حاجه في الدين ليها ضوابط
يعني وقت العشا ممدود بس لغاية الفجر لغاية الثلث الأول من الليل
هقولك ازاي تعرف الثلث الأول..
بالنسبة عندي أنا هنا في السعودية في الرياض
العشا بتاذن الساعة 7 مساء تقريبا
والفجر بياذن الساعة 5أو 6 صباحا تقريبا
بين الساعة 7 والساعة 5 كام ساعة؟؟
8'9'10'11'12'1'2'3'4'5))
10 ساعات
طيب وإحنا عايزين نعرف الثلث في الليل كام ساعة؟؟؟
يعني 10/3 =3.33
يعني الثلث الواحد في الليل 3 ساعات
والعشا بياذن الساعه 7
يعني وقت العشا من 7 إلى 10 وشويه
وخلي بالك...
بعد الساعه 11 هيروح وقت العشا...
هقول حاجه بعملها من ساعتها بحس اني بشبع نوم
انا برجع من المدرسة الساعه 1 والظهر بياذن تقريبا 12 وصاحية من الفجر كنت برجع اتغدى وأنام بس مرة مانمتش إلا بعد العصر يعني صليت العصر ونمت وصحيت عالمغرب والله إني أول مرة اشبع نوم في القيلولة دي لأنة لما كنت بنام بعد الظهر كانت صلاة العصر بتروح عليا وبصحى دايخه وتعبانه ومش شبعانة نوم
بس عشان بقيت أصلي الصلاة في وقتها الله براكلي في نومتيJ
ملاحظات: ذكر الرجال في هذا الحديث لا مفهوم له إذ تدخل النساء معهم فيما ذكر
أنا كتبت الكلام ده بصيغه الذكور لأنة الأصح انه نكتب بصيغه الذكور.....
.الكلام ده مش قصدي بي حاجه بس طلع من قلبي وحبيت أقوله...
أتمنى إذا عجبك الموضوع تنشره لنحيي سنة الرسول صلى الله علية وسلم ...ب
قلم الطالبة/: سميه أسامه الداعـــ(ببساطه)ـــيه[[/center]/size]...[/center]
الأربعاء فبراير 13 2013, 14:56 من طرف 
